Եվրատեսիլ 2012-ի հաղթող Լորինը, ըստ EuroVisionist-ի ընթերցողների քվեարկության, 3-րդն է
Բաքվում կայացած Եվրատեսիլ երգի մրցույթը արդեն անցյալում է: Համոզված ենք, որ մրցույթի երկրպագուները դիտել են այն Հանրային հեռուստատեսության ուղիղ հեռարձակմամբ և պարբերաբար հետևել են մեր փոստերին և մեկնաբանություններին: Թե որքանով էր մրցույթը կայացած, թողնում ենք ձեր դատողությանը:
Որքան էլ, որ խոսվում է Ադրբեջանի Եվրատեսիլյան կեղտոտ գաղտնիքներից և խախտումներից, այնուամենայնիվ, փաստը մնում է փաստ, որ այսօր Բաքվում կկայանա Եվրատեսիլ 2012-ի եզրափակիչ փուլը:
Դալիթա
Ինչպես տեսնում եք Դալիթան կանգ չի առնում Մանկական Եվրատեսիլի ձեռքբերումներով: Նա ակտիվորեն շարունակում է թողարկել նոր երգեր և տեսահոլովակներ` ուրախացնելով իր երկրպագուներին:
Այս անգամ դպրոցահասակ երգչուհին նոր երգ և տեսահոլովակ է թողարկել, որը կոչվում է “Դեպի նոր մի կյանք”: Ի դեպ երգի խոսքերի հեղինակը հենց Դալիթան է, երաժշտությունը գրել է Էդմոնդ Մակարյանը, իսկ տեսահոլովակի ռեժիսորը Արամայիս Հայրապետյանն է:
Ինչպես նշում է Դալիթան` երգը նվիրվում է բոլոր դպրոցականներին և շրջանավարտներին 
Եվրատեսիլ 2011-ի մեր մասնակիցը` Էմմին
Վերջերս կայացավ Եվրատեսիլ 2011-ի մեր մասնակցի` Էմմիի և ռեփեր Միշոյի նոր դուետի պրեմիերան: Երգը կոչվում է “Մութա”: Երգի հիման վրա նկարահանված տեսահոլովակի ռեժիսորը Սուրեն Թադևոսյանն է:
Ձեր ուշադրությանն ենք ներկայացնում Էմմիի և Միշոյի համագործակցության արդյունքում ստեղծված նոր և հետաքրքիր դուետը:
Պատանի երաժիշտների Եվրատեսիլ մրցույթում մեր երկիրը ներկայացնող 15-ամյա Նարեկ Կազազյանը զբաղեցրեց 3-րդ հորիզոնականը, ինչի առթիվ շնորհավորում ենք Հայաստանին, մեր պատվիրակությանը և, իհարկե, Նարեկին:
Ի դեպ երկրորդ հորիզոնականը զբաղեցրել է մեր մյուս հայրենակիցը, ով ներկայացնում էր Ավստրիան` Էմանուել Ճգնավորյանը: Իսկ մրցույթի հաղթող է ճանաչվել Նորվեգիայի ներկայացուցիչ Էյվինդ Հոլտսմարկը:
Նարեկի ելույթը դիտեք ստորև`
Դալիթան իր ուսուցչուհու` Էմմա Ասատրյանի հետ
Մանկական Եվրատեսիլ 2011-ի մեր աստղը` Դալիթան, վերջերս ներկայացրել է իր նոր երգը, որը կոչվում է “Մենակ չենք մենք”: Երգի երաժշտության և խոսքերի հեղինակը երգչուհու ուսուցչուհի Էմմա Ասատրյանն է, իսկ գործիքավորումը կատարել է Հայկոն:
Դալիթայի նոր երգը սիրով ներկայացնում ենք ձեր ուշադրությանը:
Չնայած Մանկական Եվրատեսիլ 2011-ը արդեն անցյալում է, սակայն մրցույթում մեր ներկայացուցիչը` Դալիթան, շարունակում է մնալ լրագրողների և լրատվամիջոցների ուշադրության կենտրոնում:
Ձեզ ենք ներկայացնում Դալիթայի` http://hayyer.com կայքին տված նոր հարցազրույցը:
3 ամիս առաջ էր, երբ Հայաստանը հյուրընկալեց “Մանկական Եվրատեսիլ- 2011” եվրոպական ամենահեղինակավոր երգի մրցույթը: Այդ կարևոր երգի ստուգատեսում մեր երկիրը ներկայացրեց Դալիթան` իր “Welcome to Armenia” երգով: Հետաքրքիր է, թե ինչով էր զբաղված մեր երգչուհին Մանկական Եվրատեսիլից հետո.
- Եվրատեսիլից հետո սկսվեցին ամանորյա նկարահանումները և համերգները, հետո սկսվեցին արձակուրդները և դա առիթ էր, որ մի քիչ հանգստանամ, որ հետո սկսեմ նոր գործունեություն, և հիմա արդեն պատրաստում եմ նոր երգ, -նշեց Դալին, հավելելով, որ դեռ չի ցանկանում երգի գաղտնիքները բացել:
Մեր տաղանդավոր փոքրիկը շարունակում է աշխատել մեծ ակտիվությամբ ու էլ ավելի կատարելագործվել այս ասպարեզում:Նա այս տարի արդեն հասցրել է մասնակցել մի շարք միջոցառումների, այդ թվում առաջին Տիկնոջ հովանու ներքո անցկացված “Հույսի նավակ” և բանակի օրվա կապակցությամբ տեղի ունեցած համերգներին:
Մեզ հետաքրքրեց նաև այն հարցը, որ էլի կմասնակցի ՞ արդյոք Դալիթան Եվրատեսիլին` հաջորդ տարիների ընթացքում.
- Մրցույթի կանոններով ես այս տարի չեմ կարող մասնակցել, իսկ ապագայում`տեսնենք:
Իսկ վերջում, Դալիթան բոլոր երեխաներին մաղթեց անհոգ մանկություն, ապրեն խաղաղ, առաջնորդվեն հավատքով և բացի այդ, լինեն աշխատասեր, որ հասնեն իրենց նպատակներին:
Մանկական Եվրատեսիլ 2011-ի մեր մասնակիցը` Դալիթան, վերջերս հարցազրույց է տվել “Իմ Մոլորակ” մանկական հանդեսին, որտեղ փոքրիկ երգչուհին խոսում է հայկական շոուբիզնեսի և, մասնավորապես, Մանկական Եվրատեսիլի մասին: Ամսագրի հետ ունեցած հարցազրույցը ձեզ ենք ներկայացնում լուսանկարների տեսքով
Համացանցում շշուկներ են տարածվել այն մասին, որ Մոլդովացի երգչուհի Աննա Կոնստանտինովան ցանկանում է ներկայացնել Հայաստանը Եվրատեսիլ 2012-ին:
Ինչպես արդեն տեղեկացաք, Աննա Կոնստանտինովան Մոլդովացի երգչուհի է, մասնակցել է տարբեր երաժշտական մրցույթների:
2 տարի շարունակ մասնակցում է Մոլդովայում կայացած Եվրատեսիլյան նախընտրական փուլերին, զբաղեցնում բարձր հորիզոնականներ, սակայն դեռ չի հաջողվել լինել առաջին հորիզոնականում և երկիրը ներկայացնել Եվրատեսիլ երգի մրցույթում:
Աննան բացի երգարվեստից հետաքրքրվում է նաև լուսանկարչությամբ: Նա գրաֆիկ դիզայներ է:
Երգչուհու խոսքերով այսօր ակտուալ է այս երգի ժանրը, որը կոչվում է ԴԱՍՏԵՊ, այդ իսկ պատճառով էլ Աննան ցանկանում է ներկայացնել Հայաստանը այս տարվա Եվրատեսիլին:
Աննան հայ հանդիսատեսից ակնկալում է դրական արձագանքներ և հույս ունի, որ հենց ինքը կներկայացնի Հայաստանը Բաքվում կայանալիք Եվրատեսիլ երգի մրցույթում:
Ահա այն երգը, որով Աննան ցանկանում է ներկայանալ մրցույթում`
Ինչպես արդեն հայտնի է Բաքվում կայանալիք Եվրատեսիլ 2012-ը կանցկացվի Crystall Hall համերգասրահում:
Սրահի բյուրեղյա կառուցվածք ունեցող առաջամասը պատրաստված կլինի ոչ թե ապակուց, այլ հատուկ մետաղյա նյութից: Հենց գլխավոր սրահի մոտ կկառուցվի մամուլի ներկայացուցիչների համար նախատեսված սրահը: Դահլիճը բավականին մեծ է և կարող է հյուրընկալել մոտ 25,000 հանդիսատեսի: Չնայած նոր համալիրի վերջնական ծախսերը դեռ չեն հայտարարվել, սակայն հայտնի է, որ Ադրբեջանի կառավարությունը մոտ 5.5 միլլիոն եվրո է նախատեսել դրա վերջնական կառուցման համար:
Եվրատեսիլ 2012-ի բեմի ձևավորումը և վերջնական տեսքը արդեն կտեսնենք մրցույթի օրերին: Հիշեցնենք, որ մայիսի 22-ին և 24-ին տեղի կունենան մրցույթի կիսաեզրափակիչ փուլերը, իսկ եզրափակիչ փուլը կկայանա մայիսի 26-ին:
