Մեր վերջնական գնահատականը դեռ առջևում է

EuroVisionist-ն այսօր փորձեց լուսաբանել Եվրատեսիլը սովորական հեռուստադիտողի աչքերով: Բոլոր հոդվածները գրվել են կատարումներին զուգահեռ: Հեղինակներն արտահայտել են իրենց սուբյեկտիվ կարծիքը, և մենք գիտակցում ենք, որ այն կարող է չհամընկնել մեր ընթերցողների կարծիքի հետ: Ուրախ կլինենք, եթե դուք նույնպես կիսվեք ձեր կարծիքներով մեզ հետ:

Ձեր ներողամտությունն ենք հայցում բոլոր տպագրական սխալների համար, դրանք անպայման կուղղվեն, ինչպես նաև կներեք, եթե ինչ-որ մեկին վիրավորել ենք:

Վաղն արդեն կներկայացնենք մեր ընդհանուր գնահատականը մրցույթի կազմակերպման, անցկացման և մասնակիցների մասին: Խոստանում ենք, որ այն կլինի հայերեն և անգլերեն տարբերակներով:

Հարգանքներով,

EuroVisionist-ի ադմինիստրացիա

Եվրատեսիլ 2012-ի հաղթողն է Շվեդիան!

Եվրատեսիլ 2012-ի հաղթողն է Լորինը` Շվեդիայի ներկայացուցիչը, 372 միավորով:

Սա թերևս այն հաղթանակներից էր, որը կարելի է անկասկած համարել արդար և արժանի: Լորենի կատարման մեջ չկար մի բան, որը տհաճություն պատճառեր իմ որևէ զգայարանին: Սրան համաձայն էին Եվրատեսիլին մասնակցող երկրների մեծ մասը:

EuroVisionist-ը շնորհավորում է Շվեդիայի ներկայացուցչին` Լորինին: Շնորհակալություն լավ երգի և կատարման համար: Կտեսնվենք մյուս տարի Շվեդիայում:

Լիտվա` Միսթեր Իքս

Ուշադրությու՛ն, Միսթեր Իքսը նու՞յնպես մասնակցում  է Եվրատեսիլին: Մեկ րոպե, օօօօ, սա ռոմանտիկ Դոնի Մոնթելն է Լիտվայից իր ոչ պակաս ռոմանտիկ «Սերը կույր է» երգով: Լսելով երգը` ինձ մոտ այնպիսի տպավորություն ձևավորվեց, որ այն մի քանի երգերի համաձուլվածք է: Երգի տարբեր հատվածներ տարբեր երգեր էին հիշեցնում: Օ, ես չեմ մեղադրում նրան պլագիատի մեջ, զերծ պահե՛ք ինձ դրանից:  Ընդհանուր առմամբ, երգը և ելույթը միջին մակարդակի էր: Երգ, որը կարելի է լսել մեկ անգամ և հետագայում երբեք էլ չհիշել երգը վերլսելու մասին:

P.S. Միևնույն է` Եվրատեսիլն առանց Հայաստանի, ինչպես երգի բառերն առանց Ավետ Բարսեղյանի: Այս հոդվածը բլոգի ադմինիստրացիայի սուբյեկտիվ կարծիքն է, որը կարող է չհամընկնել ընթերցողի կարծիքի հետ:

Ալբանիա: Դրեդդդդեր դրեդդդեր . .

Նույնիսկ չգիտեմ կատարողը փորձել է այս հագուստով վախենալու թե էլեգանտ լինել? Իսկ այն կրծքավանդակի դրեդը, որ ոլորվում է և գալարվում . . . .հմմմ:

Դրակուլայի հարսնացույի երգը միգուցե անսովոր է և նորություն Եվրատեսիլի բեմում, սակայն այն հաստատ հաղթող չի ճանաչվի այսօր:

Ականջացավին դիմանալով` ավելացնեմ, հարգելի Ռոնա, գոռալ դեռ չի նշանակում լավ վոկալ:

P.S.Միևնույն է` Եվրատեսիլն առանց Հայաստանի, ինչպես պնդուկն առանց պոպոկի: Այս հոդվածը բլոգի ադմինիստրացիայի սուբյեկտիվ կարծիքն է, որը կարող է չհամընկնել ընթերցողի կարծիքի հետ:

Բարի Գալուստ EuroVisionist!

Հարգելի ընթերցողներ, բարի գալուստ մեր նոր բլոգ: Որոշ խնդիրների պատճառով EurovisionClub-ը որոշեց փոխել իր անունը և հասցեն: Այժմ EurovisionClub-ի բոլոր նորությունները կարող եք գտնել այստեղ:

Հաճելի ընթերցում, EuroVisionist