Չնայած մինչ օրս դեռևս հստակ պատասխան չի տրվել այն հարցին, թե արդյոք Հայաստանը մասնակցելու է Բաքվում կայանալիք Եվրատեսիլին, թե ոչ, սակայն արդեն ստեղծվել են հակասական կարծիքներ այս հարցի շուրջ. շատերը կարծում են, որ չարժի գնալ Բաքու, քանի որ այնտեղ մեր պատվիրակության և մեր մասնակցի կյանքը կարող է վտանգի տակ գտնվել, իսկ շատերն էլ կարծում են, որ Հայաստանը պետք է գնա և արժանապատվորեն մասնակցի Եվրատեսիլ երգի մրցույթին: Վերջիններիս թվում են նաև Եվրատեսիլի Հայաստանյան երկրպագուները: Նրանք հանդես են եկել մի նամակով, որտեղ կոչ են անում անպայման մասնակցել այս տարի Բաքվում կայանալիք մրցույթին:
Ձեզ ենք ներկայացնում այդ նամակը.
«Բարև Ձեզ:Ես Ձեզ գրում եմ Եվրատեսիլի ֆաների անունից:Մենք բոլորս ցանկանում ենք, որպեսզի Հանրային Հեռուստաընկերությունը մասնակցի Եվրատեսիլ 2012-ին, որը կայանալու է Ադրբեջանում:Մենք ,իհարկե գիտակցում ենք , թե ինչպիսի խնդիրներ կարող է առաջացնել մեր մասնկացությունը, և նայում ենք այս ամենին բաց աչքերով: Բայց այնուամենայնիվ, մենք ցանկանում ենք, որ Հայաստանը մասնակցի Եվրատեսիլին, և համոզված ենք, որ Ադրբեջանը չի հանի իր դիմակը Եվրոպայի առջև, և մեր մասնակիցներին «բամբակի» մեջ կպահի:Ադրբեջանը ամբողջ Եվրոպային ներկայանում է ,որպես ժողովրդավարական երկիր, որտեղ ազատ ելք ու մուտք ունեն անգամ իր թշնամի երկրի քաղաքացիները, և նրանք չեն ցանկանա փոխել Եվրոպայի `արդեն իսկ ոչ դրական կարծիքը իրենց հանդեպ:
Մենք կոչ ենք անում Հ1-ին ետ չվերցնել դիմումը, քանի որ արդեն իսկ ծաղրի առարկա ենք դարձել Եվրոպական որոշ լրատվամիջոցների, և Եվրոպական լսարանի առջև, և ի վերջո արդնե ուշ է ինչ որ բան փոխելու համար:Մենք պատրաստ ենք պարտության, բայց մենք ցանականում ենք ,որպեսզի Հայասատնը մասնակցի, իսկ թե ինչ տեղ կգրավի, այս պարագայում դա արդեն երկրորդական է:
«Դորիանս» ռոք-խումբը համաձայնել է մասնակցել Եվրատեսիլի, և եթե տղաները այդքան համարձակություն են դրսևորել մասնակցելու Ադրբեջանում կայանալիք Եվրատեսիլին, հարց է առաջանում, թե ինչու՞ է երկմտում Հանրայինը:Եվ ինչի՞ համար էին վերջերս տեղի ունեցած, և աղմուկ բարձրացրած իրադարձությունները:
Մենք արդեն իսկ հանդես ենք եկել ոչ պաշտոնական նամակով ,որով դիմել ենք Գոհար Գասպարյանին սակայն մինչ այժմ, ոչ մի արձագանք չենք ստացել: Նամակում , մասնավորապես, ասվում է հետևյալը
«Հարգելի Գոհար Գասպարյան , փաստորեն նամակը, որ այդքան աղմուկ էր բարձրացրել Հանրային Հեռուստաընկերությու՞նն էր գրել: …Երեկ Արթուր Իսպիրյանը «Երկիր Մեդիայի» եթերով հայտնեց, որ իրեն Հանրային Հեռուսատընկերությունից են զանգել և հարցրել` կարո՞ղ են նրա անունն էլ գրել հայտարարության տակ: Փաստորեն, ամեն ինչ պարզ դարձավ … Մենք , լինելով Եվրատեսիլի ֆան ակումբի անդամ, շատ մտահոգված ենք և կոչ ենք անում, որ ՎԵՐՋՆԱԿԱՆ ու ԱՆՀԱՊԱՂ որոշում կայացնեք, որովհետև արդեն ծաղրի առարկա ենք դարձել Եվրոպական որոշ լրատվամիջոցների համար:Հոսով եմ նամակս պարզ ընթեռնելի էր ու հասկանալի… (Եվրատեսիլի ֆան ակումբի կողմից)»
Մենք չենք զլանում և կրկին անգամ ,կոչ ենք անում Հանրային Հեռուստաընկերությանը, մասնկացել Եվրատեսիլին, և ցույց տալ ամբողջ Եվրոպային մեր հոգու արիությունն ու ամրությունը:
Հարգանքներով`Եվրատեսիլի հայաստանյան ֆան-ակումբ»:
Դե ինչ, Եվրատեսիլ 2012-ն այլևս պատմություն է: Այժմ, երբ արդեն կրքերը հանդարտվել են, երբ հայտնի է հաղթողի անունն ու ավարտվել է մրցակցությունը, կարող ենք սառը ուղեղով վերլուծել 2012 թվականի ամենահայտնի և ամենամեծ տարածումն ունեցող մրցույթը:
Որքան էլ, որ խոսվում է Ադրբեջանի Եվրատեսիլյան կեղտոտ գաղտնիքներից և խախտումներից, այնուամենայնիվ, փաստը մնում է փաստ, որ այսօր Բաքվում կկայանա Եվրատեսիլ 2012-ի եզրափակիչ փուլը:
Մայիսի 22-ին «Եվրատեսիլի կեղտոտ գաղտնիքը» անվանումով տեսանյութի հայտնվելը Youtube-ում մեծ իրարանցում առաջացրեց օգտատերերի մոտ: Տեսանյութը պատմում է առաջին հայացքից անթերի թվացող Ադրբեջանի կամայականորեն ծածկված անկյունների մասին: Հատկանշական է, որ տեսանյութի հեղինակները հայեր չեն, ինչը ադրբեջանցիներին զրկում է վիդեոյի` որպես իրենց վաղեմի թշնամի` հայերի հերթական սադրանք համարելու հնարավորությունից: Ադրբեջանում իշխող իրավիճակը ներկայացվում է չեզոք երրորդ կողմի` բրիտանացիների տեսանկյունից:
