Monthly Archives: Հունվարի 2012
Լենա Մեյերը Բաքվում ոչինչ չի հասկացել
Եվրատեսիլ 2010-ի հաղթող լենա Մեյերը վերջերս հատուկ հյուրի կարգավիճակով գտնվում էր Ադրբեջանի մայրաքաղաք Բաքվում` Եվրատեսիլ 2012-ի վիճակահանության շոուին մասնակցելու համար: Երգչուհին իր հանդերաձարանում հասցրել է նաև մի տեսանյութ նկարել, որտեղ կիսվում է Ադրբեջանից ստացած իր տպավորություններով: Տեսանյութը ներկայացնում ենք ձեր ուշադրությանը:
Եվրատեսիլ 2012. լոգոն, նշանաբանը, եվրոպացիների արձագանքը
Բոլորովին վերջերս պարզ դարձավ, թե ինչ տեսք են ունենալու Բաքվում կայանալիք Եվրատեսիլ 2012-ի լոգոն և նշանաբանը: Այս ամենը պարզ դարձավ օնլայն հեռարձակվող շոուի ընթացքում: Այս տարվա մրցույթի լոգոն կարող եք տեսնել լուսանկարում, իսկ նշանաբանն է` “Light your fire” -“Վառիր քո կրակը“:
Համերգային շոուի ժամանակ ելույթ ունեցան նաև Եվրատեսիլից մեզ հայտնի երգիչներ Լենա Մեյերը, Ալեքսանդեր Ռիբակը, Սաֆուրան, Ռուսլանան և Եվրատեսիլ 2011-ի հաղթողներ Էլլն ու Նիկին:
Մրցույթի երկրպագուները նաև մեկնաբանություններ անելու հնարավորություն ունեին: Իսկ մեկնաբանությունները տարբեր էին, սակայն մեծ մասամբ երկրպագուների մեկնաբանություններից կարելի էր ենթադրել, որ նրանք այդքան էլ գոհ չէին շոուի կազմակերպչական աշխատանքներից և հանդիսավարների անգլերենից:
Ինչևէ, Եվրատեսիլ 2012-ում Հայաստանի մասնակցությունն արդեն վաղուց իրականություն է: Հիշեցնենք, որ մեր երկիրը հանդես է գալու երկրորդ կիսաեզրափակչի առաջին տասնյակում:
Ֆրանսիան Եվրատեսիլ 2012-ում
Բաքվում կայանալիք Եվրատեսիլ 2012–ում Ֆրանսիան կներկայացնի հայտնի երգչուհի Անգունը: Երգը կգրեն Ուիլիամ Ռուշեն և Ժան-Պիեռ Պիլոտը: Վերջինիս երգը ֆրանսիական հիթ-շքերթներում մինչ օրս առաջին հորիզոնականներում է գտնվում: Ֆրանսիական հեռուստաալիքները դեռևս շատ քիչ բացահայտումներ են անում Անգունի երգի մասին:
Առաջարկում ենք վայելել Բաքվում կայանալիք Եվրատեսիլում Ֆրանսիան ներկայացնող երգչուհու հայտնի երգերից մեկը`
Մակեդոնիայի MKRTV հեռուստաընկերությունը ավարտել է իր ընտրությունը
Մակեդոնիայի MKRTV հեռուստաընկերությունը նախօրոք հայտնել էր, որ այս տարի Մակեդոնիան կներկայացնի Կալիոպի Բուքլեն: Արդեն 1,5 ամիս է, ինչ նրանք որոշում են Կալիոպիի ելույթի մանրամասները: Նրանք երգերի բազմաթիվ առաջարկներ են ստացել ինչպես ազգային, այնպես էլ արտասահմանյան կոմպոզիտորներից: Երկար քննարկումներից հետո հաղթող կոմպոզիտոր ճանաչվեց Ռոմեո Գրիլլը: Սա առաջին անգամը չէ, որ վերջինս համագործակցում է Կալիոպի Բուքլեի հետ: Երգի վերնագիրն է ”Black and White”. Խոսքերի հեղինակը հենց Կալիոպին է:
Կալիոպին պետք է ներկայացներ իր երկիրը Եվրատեսիլ 1996-ին նույնպես, սակայն այդ տարի մասնակից երկրների թույլատրելի քանակը կրճատվեց, ինչի արդյունքում չմասնակցեց նաև Մակեդոնիայի ներկայացուցիչը:
Եվրատեսիլ 2012-ի երգը դեռևս չի ձայնագրվել, սակայն Մակեդոնիայի ներկայացուցչի ձայնային տվյալները գնահատելու համար առաջարկում ենք լսել մեկ այլ երգ նրա կատարմամբ:
Դանիան արդեն ընտրել է Եվրատեսիլ 2012-ի իր մասնակցին
Ինչպես ամեն տարի, Դանիան այս տարի էլ ցնցեց հանդիսատեսին իր նախընտրական փուլի շքեղ շոուով: Որպես հատուկ հյուր ներկայացավ Եվրատեսիլ 2009-ի հաղթողԱլեքսանդր Ռիբակը: Ելույթ ունեցավ նաև << Backstreet Boys>> խմբի ներկայացուցիչ Howie D.-ն:
Մրցույթում ներկայացված բոլոր 9-ը կատարումներն էլ շատ տպավորիչ էին:
Ինչևէ, մրցույթում կարող է լինել միայն մեկ հաղթող: Վերջինս Սոլունա Սեմեյն էր իր “Should’ve Known Better” երգով: Երգի հեղինակը Սիմոն Սթորվիկ-Գրինն է:
Եվրատեսիլ 2012-ի Դանիայի մասնակիցը որոշվեց ժյուրիի և հանդիսատեսի ձայների միջոցով(50/50 կարգով): Մրցույթի միջազգային ժյուրիի ներկայացուցիչները Ռուսաստանից, Նորվեգիայից, Գերմանիայից և Ադրբեջանից էին: