Եվրատեսիլ 2012. անգլիացիների բողոքը մրցույթի դեմ
Բոլոր 42 երկրներից միայն չորսը` Իռլանդիան, Լատվիան, Բելգիան և Էստոնիան են քվեարկել Անգլիայի օգտին: Համփերդինքը ստացավ ընդամենը 12 միավոր մի միջոցառման ընթացքում, որտեղ հարևան պետությունները, քաղաքական նկրտումներով, քվեարկում են մեկը մյուսի օգտին: Բրիտանացիները ինտերնետը ողողել են հայտարարություններով` կոչ անելով BBC-ին այլևս չմասնակցել մրցույթին: Նրանք իրենց հայտարարություններում ընդգրկել են նաև հեռուստատեսության ներկյացուցիչ Ֆիլիպ Սկոֆիլդի Twitter-ում արված գրառումը` “Ժամանակն է դադարենք մրցույթին մասնակցելուց: Անգամ Ռոբի Ուիլյամսը մրցույթը չի կարող բերել մեզ մոտ: Այն չափից դուրս քաղաքականացված է”:
Հարյուրավոր հեռուստադիտողներ հաղորդագրություններ են տեղադրել BBC-ի կայքում` կոչ անելով վերջինիս հրաժարվել մրցույթին մասնակցելուց: Դրանցից մեկում ասվում էր` “Բավական է արդեն: BBC-ին շատ ավելի լավ բաների վրա կարող է ծախսել իր գումարը”:
BBC-ի ներկայացուցիչը նշեց, որ քաղաքական բնույթի քվեարկությունը թեև չի որոշել հաղթողին, սակայն, անխոս, իր ազդեցությունն է ունեցել “միջին հորիզոնականների” վրա:
Շատերն էլ կարծում են, որ 76-ամյա Համփերդինքը շատ հնաոճ էր մրցույթի համար և, բացի այդ, նրանք նաև քննադատում են ընտրված երգը: Կարծիք կար, որ նրա զբաղեցրած հորիզոնականի վրա նաև ազդել է այն, որ նա առաջինն է ելույթ ունեցել:
Ռադիո 2-ի ներկայացուցիչ Փոլ Գամբաչին, ով նաև հանդիսանում է Եվրատեսիլի մասին պատմող գրքի հեղինակը, նշում է, որ մյուս տարի Անգլիան պետք է զերծ մնա մրցույթում համաշխարհային ճանաչում ունեցող երգիչ կամ երգահան ներկայացնելուց: Ինչ վերաբերում է քվեարկությանը վերաբերող քննադատություններին, ապա Գամբաչին կարծում է, որ քվեարկողներն ավելի շատ առաջնորդվում են մշակութային նկրտումներով, քան քաղաքական: “Միակ խնդիրն այն է, որ մենք պարզապես պետք է հասկանանք այն, որ Երկաթե Վարագույրի ընկնելը լավ էր ազատության համար, բայց վատ Եվրատեսիլյան փոփ երաժշտության համար”,-նշել է նա:
“Նրանց համար երաժշտությունն ուներ ժողովրդական և էթնիկ տարրեր, որոնք մեզ համար անհասկանալի են: Իհարկե, կա հարևան երկրի օգտին քվեարկելու տենդենց, բայց պետք է հասկանալ, որ մարդիկ ոչ թե քվեարկում են հարևան երկրի քաղաքական առաջնորդի օգտին, այլ այն երկրների օգտին, որի հետ ունեն ընդհանուր երաժշտական տարրեր: Զարմանալի չէ, որ Բալթյան որոշ երկրներ միմյանց օգտին են քվեարկում”:
Posted on 29 Մայիսի, 2012, in ESC 2012 Participants, ESC Past Participants, Eurovision 2012 Baku, News and tagged Engelbert Humperdinck, Eurovision 2012, Eurovision Baku, Եվրատեսիլ 2012, Եվրատեսիլ Բաքու, Էնգելբերթ Համփերդինք. Bookmark the permalink. Թողնել մեկնաբանություն.
Թողնել մեկնաբանություն
Comments 0